2025 წლის 18 დეკემბერს, მახინჯაურის საზღვაო სკოლის მე-11 კლასის მოსწავლეებისთვის ჩატარდა კლასის საათი თემაზე: „მოქალაქეობრივი ღირებულებების განვითარება“. შეხვედრა მოსწავლეთა აქტიური ჩართულობითა და დისკუსიით წარიმართა. კლასის საათის ფარგლებში განხილული იყო მოქალაქის ცნება თანამედროვე გაგებით. მოსწავლეებმა იმსჯელეს სამოქალაქო ღირებულებებზე, მოქალაქის ძირითად უფლებებსა და ვალდებულებებზე, ასევე, განსაკუთრებული ყურადღება დაეთმო მოქალაქის პასუხისმგებლობის მნიშვნელობას სახელმწიფოსა და საზოგადოების წინაშე. შეხვედრამ ხელი შეუწყო მოსწავლეებში მოქალაქეობრივი ცნობიერების ამაღლებას, კრიტიკული აზროვნების განვითარებასა და აქტიური მოქალაქეობის მნიშვნელობის გააზრებას.
